陳鈺芸Call杜宇航齊齊行善
【on.cc東網專訊】 藝人杜宇航（阿杜）及陳鈺芸（JuJu）於油塘為獨居老人維修家居。JuJu以紐約大學同學會會長身份，找來舊生做義工，幫長者家居髹油。她自言於北京為《卧虎藏龍》補拍鏡頭直至凌晨，沒睡覺就直上飛機返港出席慈善活動。
JuJu笑言自己熱愛危險動作，故感到頭暈仍會為髹油爬高爬低。問到她為何找來未合作過的阿杜來擔當義工？JuJu笑言睇中杜宇航識功夫及有力氣，故經朋友認識後就邀請他來做「苦力」：「大家喺首映上認識，同樣打功夫又係運動員，所以一拍即合！見他有氣有力，所以今日特登搵佢嚟擔擔抬抬。（對他加分？）他高大有型靚仔。（有機會發展？）好朋友。」
同場杜宇航對於被邀請來當「苦力」，他笑謂毫不介意：「都係髹吓油，見到老人家都好開心。（老人家一個人住，屋企都好乾淨，如果你獨居都會保持乾淨？）我出外做嘢時都成日獨居，都好乾淨。」問到他平日有否獲女友胡敏珊打理家居？他即避談戀情：「要搵番個。（依家單身？）總之獨居啦，唔講喇！
來源:東方網
JuJu補戲補通宵 頭都唔洗就做義工
陳鈺芸（JuJu）同杜宇航今日齊齊做義工，去到油塘為獨居老人維修家居，JuJu仲搵埋一班同學幫長者屋企髹油。
JuJu話睇中杜宇航有功夫底好氣力，就拉埋佢幫手：「我地同樣打功夫，搵佢擔擔抬抬冇難度。」JuJu仲話岩岩喺北京幫《卧虎藏龍2》補戲補到通宵，落咗妝同古裝頭之後，頭都未洗，兩日冇瞓就直接趕上機返港出席慈善活動
來源:蘋果日報
請先 登入 以發表留言。